lunes, 9 de octubre de 2017

Saída a Luíntra (Ourense)

Informamos que o domingo 29 de outubro realizaremos unha saída pola Ribeira Sacra, a ruta coñecida como "Maquino Largaño" ou  PR-G 178, unha ruta homologada que discurre por carballeiras e soutos e vai por parte do antiguo Camiño Real que leva ao mosteiro de San Estevo.
A hora de partida é as 7.30 da mañá desde a praza de España. Tende en conta ho cambio de horario do sábado noite no que hai que retrasar unha hora.
Distancia: sobre 14 kms, pero probablemente faremos sobre 12 km.É circular.
Dificultade: moderada con pendiente cortas pero fortes.
Inscripción: 25 euros.

sábado, 23 de septiembre de 2017

Ruta a O Vicedo

CEN PÉS comeza o outono con novas rutas para o 2017-18, así é que o domingo 8 de outubro realizaremos unha ruta costeira por o Vicedo; partimos ás 7.00 da maña desde a igrexa parroquial de Vilagarcía.
As rutas serán a de Fuciño do Porco (4km) e o PR-G 156 de Costa do Vicedo (11kms)
O prezo por persoa son 30 euros (bus+comida), xa se poden apuntar os senderistas o luns 25 de setembro.

jueves, 15 de junio de 2017

Saída ao Gêres

Informamos que o sábado 17 partiremos desde a praza de España ás 8.30 da maña para  iniciar a saída de dous días polo Gêres.
Para a ruta do sábado, non pararemos para almorzar polo que xa tendes que vir de casa almorzados e con comida e bebida, pois comeremos facendo a ruta.
Como se espera calor e sol  recordade vir ben equipados ademais de con  botas e bastóns, con sombreiro e protector solar. Tamén recomendamos bañador, chanclas e toalla, xa que no hotel non dispensan toallas de praia.

jueves, 8 de junio de 2017

Sendeiro do río Barbantiños (Carballiño)

Para percorrer o sendeiro do río Barbantiños os Cen Pés acercámonos pola estrada N-541 en  Puxín, na Forxa, para diante do concello baixar cara o río pasando tamén polo camiño diante dun pazo y da capela de San Roque, así chegamos a ribeira onde hai unha fonte termal e uns pasos que cruzamos para camiñar pola beira esquerda do Barbantiños. Xa do primeiro momento parece que nos adentramos nun bosque encantado, con árbores de todo tipo, salgueiros, ameneiros, carballos e fentos enormes. Este río nesta época non leva moita auga porque hai unha presa para explotación hidráulica.
Seguindo a beira por algunha pasarelas para salvar os desniveis chegamos a fervenza de do Viñao ou Cachón, unha caída de auga de 15 m. de altura, xa polo camiño atopamos varios muíños e moitos restaurados, continuamos e pasamos pola minicentral do Barbantiños e cruzamos ao outro lado do río, pasando por un túnel, baixo a vía do tren e pola ponte de arcos apuntados de San Fitz, e dimos volta vendo ao lonxe as magníficas e altísimas pontes do Ave e tamén da autoestrada e nós por entre campos e bosque para logo retornar ao ladiño do río.







lunes, 15 de mayo de 2017

Sendeiro do río Barbantiño

O domingo 4 de xuño os Cen Pés colleremos rumbo ás 8.00 da mañá desde a praza de España  a Puxín, cerca de O Carballiño para facer o sendeiro do río Barbantiño.
Distancia: 12 kms.
Dificultade: fácil.
Prezo: 25 euros (Bus+comida) 

domingo, 14 de mayo de 2017

Ruta de Caveiro e Aguieira(Porto do Son)

Esta foi unha ruta fácil, agradable case doméstica, vimos a desembocadura do río Quintáns, percorrimos a praia de Aguieira ata a punta onde se encontra a antiga fábrica de salazón. Viramos ao interior e por pistas e camiños fomos pasando por diferentes aldea, meredendros e a igrexa de santa María de Nebra do s.XVIII, continuamos ata chegar ao miradoiro da praia de Caveiro desde onde se ve unha bonita panorámica da ría de Noia e Muros e o monte Louro, baixando a praia e camiñando por ela, continuamos a ruta ata rematala moi cerca de onde a iniciamos.




jueves, 27 de abril de 2017

Ruta de Caveiro e Agueira (Porto do Son)

Informamos que a próxima saída realizaremola o domingo 14 de maio ata Porto do Son para facer o R3 de Caveiro a Angueira, partiremos da praza de España ás 8.00.
Distancia:13.5kms
Dificultade: fácil
Prezo: 25 euros


Máis infomación

sábado, 15 de abril de 2017

Ruta de " A Cubela"- Ribas do Sil

Nun día fantástico para camiñar, aínda que un pouco caluroso, comezamos esta ruta circular en Castro de Abaixo, un percorrido de 14 kms que parte no entorno Aguasmestas onde nos deixou o bus e vai subindo polo Camiño Sur  de Santiago ou tamén chamado Camiño de inverno, forma parte no seu 50% na Rede Natural Ancares-Courel.
Pouco a pouco fomos subiendo entre  hortas, prados con gando, camiños bordeados de pedras e soutos de vellos castiñeiros que non deixaron de sorprendernos coas súas formas, árbores que deberíamos coidar con mimo e cariño porque son verdadeiras esculturas. Así chegamos a aldea de Tobeo onde tomamos un viño fresquiño na taberna e visitamos a escapada a igrexa do s. XII-XIII.
 Esta quizás foi a etapa máis esixente; logo fomos baixando e collemos o camiño que leva ao miradoiro de Louxoá. Nótase que estas terras son ricas en todo, gando nos herbais, montes cheos de todo tipo de árbores, sobreiras, madroños, caballos, castiñeiros, e como no o viño que se desparrama nas abas do Sil, o rico mencía, tal vez non se vexa por aquí tanta vides como noutro zonas, pero non faltan. É unha zona  rica  en flora e fauna. 
Pasamos por Pena tallada, unha pena labrada polo home para deixar pasar os carros e o gando e levounos ao meandro da Cubela, que nos deixou boquiabertos, é espetacular esta paisaxe, parece un xigantesco animal prehistórico visto frente a frente, pero non;  tampouco  é este meandro de case 360º froito do río, senón dunha fractura orográfica na placa de granito, arenisca e cuarcita de máis de 360millóns de anos. É realmente fermoso,  a altitude  aquí íalcanza os 600m. e resulta incrible que os homes desta terras lograran salvar tremendo desnivel a base de esforzo, moito traballo e tan pouca tecnoloxía.
A baixada faise máis pronunciada ata chegar a aldea de A Cubela, pequena e bastante restaurada. Nós seguimos de largo pegados a beira do Sil por un camiño estreito ata chegar a ver a desembocadura do río Lor no Sil, para virar cara ao interior e volver a Castro de Abaixo cansos pero satisfeitos, rebosantes de tanta fermosura.








martes, 28 de marzo de 2017

Ruta "A Cubela", PR-G180

O domingo 23 de abril ás 7.00 da mañá marchamos desde a praza de España con destino a Castro de Abaixo, en Ribas do Sil para facer a ruta de "A Cubela" o PR-G 180 cerca de Quiroga.
Percorrido:13.5 kms
Dificultade: media.
Prezo: 30euros

lunes, 27 de marzo de 2017

Ruta Sistelo-Arcos de Valdevez

Desta vez empezamos a ruta con chuvia desde o pobo de Sistelo. Normalmente esta ruta faise en sentido contrario, desde Arcos de Valdevez ata Sistelo que son sobre 21kms.
Nós fixémola ao revés e máis curta, sobre uns 11 ou 12 kms.
Partimos do adoquinado pobo de Sistelo, pequeno e precioso, coa súa igrexa mirando ao río e aos socalcos que fixeron os seus ancestros para poder traballar estas terras de montaña. Tomamos unha corredoira empedrada  que baixa hacia o Vez, coas marcas das rodeiras dos carros gravadas nas pedras. Pese a chuvia que convertiu o camiño en regato, móstrase unha  paraxe impresionante, rodeada de prados, monte arbolado e o río.
Cruzamos o  Vez por unha ponte medieval e seguimos o seu curso por sendas de ribeira e pasarelas que elévanse pegadas á montaña e permiten seguir disfrutando sen dificultades dunha paisaxe inigualable: un mundo de vexetación e auga.
Máis adiante, xa sen chuvia, case sin sentir como o discorre do tempo, este río xoguetón e ruidoso faise máis sosegado e aparecen os muíños, outras pontes, outros socalcos, a aldea de Cabreiro, os pasos para cruzar o río, a area dunha praia...así chegarmos a Vilela nun suspiro con pena por rematar esta preciosa ruta.

lunes, 27 de febrero de 2017

Ruta Sistelo- Arcos de Valdevez (Portugal)

O domingo 26 de marzo os Cen Pés marchan por terras de Portugal desde Sistelo a Arcos de Valdevez, partiremos ás 8.00 desde a igrexa parroquial, trátase da ecovia de Vez da que faremos un tramo.
Distancia: 11kms
Dificultade: fácil
Prezo: 25 euros

domingo, 26 de febrero de 2017

Ruta dos faros: praia de Niñóns- Faro Roncudo

Como tiñamos previsto o domingo 26 partimos para continuar cunha etapa da ruta do faros xa que o ano pasado fixemos de Malpica ata cabo Noriga. Desta vez saímos un pouco máis adiante, desde a praia de Niñóns que é preciosa, cun areal longo e na que desemboca un regato. Baixamos a praia  para  subir polo pinar que hai detrás dela e seguir pola costa hacia os cantís que protexen a praia de Niñóns. Fomos por unha estreita senda con moitos fentos e xa na costa disfrutamos dun mar bravo con grandes ondas e distinguiendo o cabo Noriga ao lonxe hacia o norte. Nós seguimos cara o sur ao lado do mar para logo ir baixando ata a praia da Barda entre toxos, as vistas  foron impresionantes e o tempo deixonos tranquilos cun pequeno orballo de cando en vez que resfrescaba pero non molestaba e, o que non paraba era o vento que fixo da ruta algo emocionante facendo rugir o mar. 
Así chegamos ata  ensenada de Barda, espectacular esta entrada de mar en terra vista desde arriba. Reagrupámonos na praia e fixemos unha pausa porque logo tocaba subir polo monte arriba pasando polos aereoxeneradores co seu constante son e  enormes aspas, así chegamos a aldea do Roncudo tan apartada onde esperaba o bus; sen embargo,  algúns seguimos a ruta por un camiño dificultoso con subida e baixadas profundas, os camiños utilizados polos percebeiros  que levounos ao pé do cantís a disfrutar da parte máis espectacular e tremenda, toda  unha viaxe, unha aventura tan cerca deste mar rotundo e bravo, rodeamos ese monte rocoso que separa a aldea do Roncudo con faro do mesmo nome, que distinguimos na punta tan solitario e rodeado da espuma das ondas e o son do vento. En días como este entendes o porqué do seu nome: toda esta costa ronca, ruxe a un tempo, está viva coa súa peligrosa beleza.











martes, 14 de febrero de 2017

Rutas dos Faros: Praia de Niñons- Faro do Roncudo

O domingo  26 de febreiro partiremos desde a Praza de España  hacia a costa da morte para realizar un tramos das ruta dos faros que vai desde a praia de Niñons ata o faro do Roncudo en Corme, así facemos a continuación da que fixemos o ano pasado de Malpica ao faro de Punta Nariga.
Distancia: 14 kms
Dificultade: moderado
Prezo: 25 euros
Comerermos no mesmo restaurante qando fixemos a ruta de Malpica.

domingo, 12 de febrero de 2017

Ruta Os Peares-A Peroxa

Esta ruta coñecida como o PR-G 179 como Ruta polo Miño, está recomenda para facela desde A Peroxa ata Os Peares para aliviar o desnivel, xa que A Peroxa está a 486 m. de altitude,  deste modo baixase ata o Miño en Os Peares.
Os Cen Pés fixemos esta ruta ao revés,¿motivos? sobre todo pola climatoloxía, pois a noite anterior choveu moitísimo, de feito todos pensabamos que teríamos unha saída dificultosa, esvaradiza, e chuviosa, en cambio o tempo acompañounos e agás ao comenzo mentras almorzabamos e pouco máis, apenas caeron unhas pingueiras nada significativas.
Así partimos desde os Peares, un pobo  entre dúas provincias (Lugo e Ourense)  e entre tres ríos, onde se xuntan o Sil, o Miño e o Búbal, cun pasado máis revelante que o seu presente, coas súas casas pintadas de xeito pintoresco e a súa praia. Nós iniciamos a ruta na beira do Miño, coas mimosas en flor, preciosas pero moitas delas derrubadas no camiño polo tempo e a chuvia da noite, o río baixaba cheo e magnífico, incluso distinguimos algunha garza na ribeira. Así    na contemplación do río fomos subindo cada vez máis e disfrutando dos bancais das vides  e o río alá embaixo e os montes poblados de árbores autótonas con todas a gama de cores do verde aos pardos  así entretidoschegamos a Golfariz, unha pequena aldea na mitade do ruta, a partir de aí, a pendiente acentuose, e camiñamos acompañado do ruído da auga do río Barra que cruzamos por varios puntos e que baixa estreito e rodeado dun bosque de ribeira e algún prado, así acercámonos ao castelo da Peroxa que ten boas vistas e un poquiño máis a o pobo da Peroxa. Logo volvimos a Os Peares onde xantamos no mesmo bar no que almorzamos.













jueves, 2 de febrero de 2017

Ruta A Peroxa- Os Peares

Este domingo 5 de febreiro saldremos como sempre desdea praza de España pero esta vez ás 7.30 da maña para achegarmos á Peroxa e facer unha ruta de 10 km, cunha fidicultade moderada.
Recordade levar ropa de chuvia, bastóns e polainas pois ainda que mellora o tempo para o domingo, estará todo mollado.Tamén é recomendable ropa de reposto.
Máis información en...

PR-G 179-Ruta do río Miño

martes, 17 de enero de 2017

Ecopista Valença-Vilanova da Cerveira

Comezamos esta ruta na ribeira mesma do río Miño nunha mañá fría pero despexada con sol alto no ceo que invitaba a camiñar; subindo o río cara a Vilanova da Cerveira fomos por esta  ruta amable, nada esixente para nosas pernas só un pouco monótona por momentos, pero ben habilitada con pasarelas de madeira e camiño asfaltado que  faina accesible a todos os públicos, as biclistas, familias, paseo con cans, etc.
O día invitaba a camiñar pero non pola pasarela de madeira que estaba conxelada ata que non lle dera os raios do sol e parecía máis para patinar, percorrimos cerca das casas alternando aldeas, campos prantados con millo ou prados, pequenos portos pesqueiros coas súas barcas de cores, como do de Sao Pedro da Torre con portos deportivos, merendeiros e zonas de esparcimento, algunha praia, e pequenas pontes, a maioria  de madeira ou unha con corte medieval, para salvar os diferentes afluentes do Miño. Unha ruta sinuosa con árbores de ribeira e un río que amplo, ancho cheo de vida con diferentes tipos de aves, patos, ata traineras e doutro lado.... Galicia a golpe de remo coa mesma paisaxe que deste lado, unha paisaxe bonita e tranquila, non cabe dúbita,a pesar da intervención do home no trazado.
Ao final da ruta tras chegar a entrada de Vilanova de Cerveira, uns decidemos subir andando monte arriba ata o miradoiro do Cervo, e outros foron no bus.  O mirador é  un lugar dende oque  se contempla unhas vistas panorámica espectaculares. Os que subimos pola  empinadas escadinhas da Encarnao, só chegamos ata a capeliña tamén  cunhas vistas preciosas sobre o Miño.
Rematamos comendo en Caminha moi ben cerca da fortaleza.











lunes, 2 de enero de 2017

Ecopista Valença- Vilanova da Cerveira(Portugal)

Iniciamos o 2017 cunha ruta por Portugal: o domingo 15 de xaneiro ás 8.00 da mañá desde a praza de España partiremos hacia Valença para comezar esta ruta que é moi fácil.
Distancia:14 km lineal ao lado do Miño.
Dificultade: fácil, os que queiran poden ampliala, ascendendo ao mirador do Cervo ( 320m de altitude) que son 3 kms máis.
Prezo:25 euros (bus+comida)
Desde mañá martes xa podedes anotarvos.
Máis información
e tamén