Ponte Ulla: Sendeiro de San Xoán da Cova

A próxima saída será ao sendeiro PR-G 36 ou de San Xoán da Cova  cerca de Santiago pola estrada que vai a Ourense; queda fixada para o domingo 5 de febreiro ás 8.30 desde a igrexa parroquial.

Percorrido: lineal, 11,2 kms

Dificultade: fácil-media

A ruta é típicamente de paisaxe de ribeira, pois pasaremos a maior parte pola marxe esquerda do río Ulla.

Farémola ruta ao revés do que está establecida para rematar cerca dunha zona máis poblada coma Ponte Ulla.

Partiremos á beira do río Ulla por sendeiros de pescadores e iremos ascendendo, desde os muíños de Pastel e a área recreativa de Cubelas, seguiremos polo río é máis adiante no lugar de Ximonde atoparemos outra área recreativa e un centro de estudos piscícolas e un femoso pazo. Continuaremos e ao chegarmos a Santa Cruz podemos desviarnos e visitar o pazo  barroco de Mondragón do século XVI que ten uns  xardíns frondosos e árbores centenarias, ou seguirmos á beira do río ata pasar Ponte Ulla e remantar máis alá cerca da ponte do tren sobre o río en San Xoán da Cova.

O prezo desta saída é de 25euros por persoa e comprende transporte e comida.

Ponte Caldelas: Ruta das Almiñas

A primeira saída do ano é a Ponte Caldelas onde hai varias rutas, nós realizaremos a coñecida como "Ruta das Almiñas" e "Foxo do Lobo", marcada como o roteiro PR-G 109, o domingo  15 de xaneiro ás 8.30 h. desde a igrexa parroquial.

Percorrido: circular, 11km

Dificultade: moderada

Tras partir da igrexa de Caritel, onde pódese observar  do Cruceiro de  Coto,  adentráremonos nun camiño empedrado coñecido como Fraga de Abaixo que finaliza no río Verdugo. Para cruzar o río e proseguir a ruta, teremos que ir polos “Pasos da Fraga” e “Pasos de Portasouto” que cruzan o regato das Costiñas  e o río Verdugo respectivamente. Posteriormente tamén teremos que cruzar os “Pasos da Coveliña” e chegar á aldea de Laxoso de Abaixo, de aí subiremos hacia Laxoso de Arriba ata alcanzar os cruceiros de Pé das Herbas y Camiño do Roriz.
 Proseguiremos hacia a  aldea de Porcinas para continuar por un camiño forestal entre muros que leva ao Foxo do Lobo. Neste punto teremos a posibilidade de sair do sendeiro orixinal e visitar esta singular construción onde antano  dábanse batidas de morte ao lobo.
Atravesamos a estrada que une Ponte Caldelas con Aguasantas para adentrarnos noutro sendeiro entre muros de pedra, que levaranos ata o regato de Coveliña para logo atopar novamente o camiño de regreso á Igrexa de Caritel.

Trátase dun  ruta variada con paisaxe de río e bosque, sen estar ausente a visita as aldeas e construción típicamente galegas. Recomendamos por iso levar calzado apropiado e ropa de auga.

O prezo da ruta é de 23 euros por persoa que inclúe comida e transporte. Podémonos ingresar na nosa conta de Novacaixagalicia desde o día 2 de xaneiro.

Muíños de Lores

Esta última saída do ano non puido estar mellor, partimos a hora establecida en coches particulares e iniciamos a ruta cos nosos gorros de Nadal, formando unha serpentina de cores festivas.

Esta ruta preséntase prefectamente marcada, limpa e sen posibilidade a ningunha perda; por outra banda coma non choveu moito tampouco estaba enlamada o que podería haber dificultado o camiño.

Pasamos por varios muínos restaurados incluso algúns convertidos en furanchos, que funcionan na fin de semana e en verán todos os días, sempre ao lado do río Chanca e outos regatos que o alimentan, cerca de aldeas do concello de Meaño, leiras, pastizais e monte con árbores vestidas de musgos... así ata chegar ao nacimiento do río onde descansamos, cantamos villancicos, compartimos cava, sidra, doces e sobre todo bo humor, e deixamos o noso Belén coma é costume entre senderistas. Logo seguimos o noso camiño ata chegar a Armenteira, onde case todos degustaron unha estupenda comida.