Castro Laboreiro- Portugal(2025-03-27)

 O domingo 27 de abril os Cen Pés achegámonos a Portugal, a Catro Laboreiro, onde xa fixemos  algunhas rotas tras tantos anos pateando. A verdade é que a serra do Gerés- Xurés, o parque natural Peneda- Gerés non defrauda nunca, é esixente  nas subidas, sobre todo en días de sol, pois escasea a sombra.

A rota escolllida desta volta foi o trilho Castejo, unha rota que presenta varias variantes e pode engadirse máis ou menos kms; os Cen Pés fixeron sobre 13 km con dificultade entre fácil e moderada. 

Partindo desde Castro Laboreiro, despois do almorzo,dirixímonoss por camiños  tradicionais portugueses ao que chaman Val das Inverneiras, pasando por zonas de sombra con regatos e otras subiendo a miradores o que destaca de todo este recorrido é a presencia das montañas, da rocas e as súas caprichosas formas como o Bico do Patelo que simula un pico de paxaro. A zona de Ponte Nova tamén espectacular, en xeral unha rota bonita bonita, impresionante.

 

Sendeiro do río Verdugo-Ponte Caldelas(2025-04/30)

 O domingo 30 de marzo Os Cen Pés acercáronse ao concello de Ponte Caldelas para  camiñar polo sendeiro do río Verdugo, un percorrido dun 12 km de fácil dificultade.

Saímos da aldea de Laxoso de Abaixo e a rota rematou como final no pavillón de Ponte Caldelas.

Una rota moi bonita con grande diversidade ambiental de flora e fauna, esta rota fluvial borea o ríoVerdugo e o Calvelle, deixáronos contemplar distintas construcións con gran valor etnográfico e de comunicacións como muíños, pontellas e "pasos"de pedra para poder cruzar o río. Pasamos tamén cerca dun antigo "foso do lobo", trampas para cazar estes animais, logo desviámonos para visitar as pozas do Verdugo.

Sendeiro azul de Donón- Costa da Vela- Cangas(20-04-09)

 O domingo 9 de marzo os Cen Pés acercáronse a Cangas a camiñar a Costa da Vela polo sendeiro azul o roteiro de Donón, unha rota dun 10 ou 11km de dificultade moderada polas subidas e baixadas en zonas. Unha rota costeira preciosa con cantís que miran a mar aberto, un pouco protexido pola impresinante Cies, un percorrido variado con xacimento arqueolóxicos, praias de area fina como a de Melide , faros como o   de Punta Subrido, tamén o de Punta Robaleira e o de Cabo Home, o percorrido remanta no Caracola metálica que mira o mar. 

Despois achegámonos ao crucerio de Hío xa con mellor tempo.

 

 

Sendeiro do Deza- Fervenza do Toxa 16-02-25

 O domingo 16 de febreiro os Cen Pés acercáronse ao mosteiro san Lourenzo de Carboerio para recorrrer este sendeiro considerado de pequeno recorrido  PRG-18, que é lineal e de un 6 kms que chega ata a fervenza do Toxa. Un traiecto que se pode facer desde o mosteiro ou desde a fervenza do Toxa no que tamén hai aparcadoiro.

Nós partimos desde o mosteiro baixando pola calzada medieval que baixa  ao río Deza,cruzamos a ponte do Demo de orixe medieval e o camiño segue por bosque de ribeira e carballos, subido polo monte, un lugar precioso, pasamos cerca da praia fluvial de a Carixa e da ermida de San Paio para pasar pola pasarela de ferro que baixa ata a fervenza do Toxa. Logo volvemos ao mosteiro de Carboeiro.

Subida ao mirador de monte Xiabre(15 /12/2024)

 O domingo 15 de decembro partimos desde Fexdega en coches particulares para reunirnos en Fontefría e empezar a subida ao mirador da Cruz de Xiabre, un mirador que mira a ría de Arousa e ao río Ulla.

O percorrido foi dun 6,39 kms ida e volta circular. Voltamos outra vez a Fontefría onde celebramos comendo uns petiscos e brindando, visitamos a árbore prantada o ano pasado nestas datas e aínda segue medrando!!

A continuación foi a comida no churrasco de Rubiáns: un bo cocido!! Boas festas a tod@s os senderistas.

 

 

Ruta 6(azul) Negreira- Brión(6/12/2024)

 Tras retrasar a saída polo mal tempo, finalmente  realizamos esta rota  o venres 6 de decembro día da Constitución xa que é festivo.

Partimos desde Negreira, achegámonos a inicio da rota 1km xa e n territorio do concello de Brión.

A rota for circular sobre un 12.8 kms, comeza nada máis cruzar a Ponte de Ons e a Ponte Insua sobre o río Tambre, na área recreativa que hai alí. Trascorre por pistas forestais e camiños con bo firme, seguindo o curso do río, ao mesma beira e noutros momentos nuha cota máis alta, atravesando densos bosque con moitos castiñeiros, carballos, piñeiros e algún acivro, faias e eucaliptos. Pasamos polas aldeas de Forxán, Mourentáns e Ons, onde se fixo un desvío para visitar a Fervenza do Pozo Negro, á que se chega despois dun forte descenso. Esta rota ten a posibilidade de acortarse cunha variente de 9.5 km., pasando por outras aldeas da zona.

Unha rota moi bonita con moitas posibilidades con riqueza natural e etnográfica.