Ruta Riveira-praia do Vilar

O domingo 14 de xaneiro reanudamos as rutas, desta vez para achegarnos a Riveira e realizar unha ruta  de 13km cunha dificultade fácil. Partiremos as 8.00 da maña da praza de España,na igrexa parroquial.
Prezo 25 euros por persoa

Fontefría- Capela de San Cibrán (Catoira)

Como todos os anos e un máis os Cen Pés fixemos a última ruta do 2017 para  facer o que nos gusta compartindo  cos amigos e seguindo a tradición de colocar o noso Belén nun rinconciño da nosa terra, desta vez foi elexida  Catoira e a capela de San Cibrán.
Reunímonos as 10.00 en Fontefría para ir polas pistas do  monte Xiabre cara ao interior da ría nunha mañá fría pero agradable para camiñar este  recorrido que vai paralelo ao río Ulla que dicurría alí abaixo cuberto de néboa, un recorrido no que se contempla como a nosa ría de Arousa vaise abrindo ao mar tan bonita, tan máxica que da alborozo mirala, retela nos ollos mentras imos falando todo o rato con uns  e  outros amigos deste xeito chegados a altura de Catoira, o camiño baixa en forte desnivel por sendas de monte, das de sempre e chegamos a destino: a capela de san Cibrán, unha cabaralleira prciosa e acolledora coas súas  mesas, regato, igrexa, crueiro, e unha alfombra chea de follas ....aquí despedimos o 2017 celebramos o aninovo, papamos e bebemos e como no!!!..escondimos o Belén de CEN PÉS!!!, ese que nos trae sorte para as futuras  rutas do 2018.

Fontefría-Capela de San Cibrán

O Domingo 17 de decembro partimos para facer a última ruta do 2017 desde a igrexa parroquial ás 9.30 e tamén desde Fontefría en Xiabre ás 10.00 para ir ata a capela de San Cibrán en Catoira.
Dificultade: fácil
Percorrido: 10km.(circular de ida e volta)
Compartirmos turrones, dulces e colocaremos o noso Belén.

Ruta Sabucedo- Codeseda

Neste día tan soleado collemos carretera ata Estrada para facer unha ruta tan popular como a que fan cada ano na Rapa das Besta en Sabucedo. Partimos desde o curro onde reunen as bestas, un espectáculo ao que nunca asistín, así que foi novo para min, rodeado dunha preciosa carballeira.
 Cruzamos a aldea e baixamos ao río, pasamos por diante de varios muíños, os de Vesacarballa, unha zona moi bonita.

Continuamos por carballeiras e fomos subindo ao alto do monte a uns 964 m de altitude con menos vexetación e  árbores  onde pastan vacas e bestas en total libertad. Desde alí distínguense ao lonxe neste día claro as distintas pobacións da contorna ata as torres do areoporto de Santiago e din que nos días máis claros as torres da Catedral de Santiago.

Fomos  baixando  para ir paralelos ao río Umia e logo ao regueiro de Fontefría, así novamente entre prados chegamos a aldea  Agrela e de aí rematamos na carballeira de A Sagrada en Codeseda.

Ruta de Sabucedo

Informamos que a próxima saída será o domingo 19 de novembro ás 8.00 da mañá desde a igrexa parroquial de Vilagarcía partiremos a Estrada para realizar a ruta de Sabucedo a Codeseda.
Distancia: 13 km, lineal.
Dificultade: fácil
Prezo: 25 euros( bus+comida)
Aberto o prazo de inscripción

Ruta Maquino Largaño-Luintra

Esta ruta descorre pola Ribeira Sacra, polo que é fermosísima.
Fixemos un tramo do antigo Camiño Real que vai dos Peares ao mosteiro de San Estebo do Sil, este camiño tamén coñécese polo nome de Maquino Largaño,que en xerga dos afiadores significa "Camiño longo", do que se pode senderear os 21 kms ou menos, uns  14 kms que está no PR-G 178, está moi ben sinalada e enlaza con outras rutas da zona. Nos fixemos unha variación desde a aldea de Luintra que pertece ao concello de Nogueira de Ramuín.

A ruta é preciosa porque vai por bosques, carballeiras e soutos con árbores preciosas que aínda levan postas as súas  follas, pero tamén deixaban caer  outras tantas tapizando os camiños e facendo  todo máis agradable si cabe.
Fomos en plena celebración do Samaín e atopamos en parte do recorrido adornado con estampas de medo, esqueletos, morcegos, visceras de animais colgadas, arañeiras etc, fomos pasando por distintas aldeas Monteverde, Mundín, Bidueiro, un camiño para disfrutar con varios monumentos que ver como as mámoas da Moura, e o miradoiro de Pedra Longa por onde pasamos pero que non se distinguía nada pola néboa: Fomos subiendo de zonas baixas a unha certa elevación desde onde chegamos a divisar o Sil ao lonxe e o Mosteiro de San Estebo para logo volver a baixar.
O camiño que leva ao mosteiro foi realmente unha maravilla con castiñeiros centenarios e  ainda coas rodeiras dos carros labradas nas pedras, a veces  máis estreito entre muros cheos de musgo, serpeteando para salvar aos desniveis. Así contemplando a paisaxe, a aldea no alto, o mosteiro no outro lado do monte entre as árbores, chegamos a San Estebo e lle fixemos unha visitiña e seguindo camiño  rematamos na aldea de Pombar con esa alegría que deixa unha boa experiencia.

Saída a Luíntra (Ourense)

Informamos que o domingo 29 de outubro realizaremos unha saída pola Ribeira Sacra, a ruta coñecida como "Maquino Largaño" ou  PR-G 178, unha ruta homologada que discurre por carballeiras e soutos e vai por parte do antiguo Camiño Real que leva ao mosteiro de San Estevo.
A hora de partida é as 7.30 da mañá desde a praza de España. Tende en conta ho cambio de horario do sábado noite no que hai que retrasar unha hora.

Distancia: sobre 14 kms, pero probablemente faremos sobre 12 km.É circular.

Dificultade: moderada con pendiente cortas pero fortes.

Inscripción: 25 euros.

Máis información.