Sendeiro ecolóxico de Peilán(Piñor) 11/06/2023

 Este domingo 11de xuño Cen Pés acercouse ao concello de Piñor na comarca de Carballiño. 

A ruta é coñecida polo "Sendeiro ecolóxico de Peilán", un percorrido que agora está sinalado como de 10km, pero que antes eran 13.5km e pasaba por dous concello o de Piñor, do que parte a ruta e o Cristovo de Cea; nós fixemos este último, pero ao revés, empezámolo por onde remata, e fomos orientándonos mirando os sinais o revés. É unha ruta circular  de fácil a moderada, é preciosa tanto ten o sentido por onde a comences.

Partimos da aldea de Arenteiro, da explanada ao lado igrexa da A Peregrina, almorzamos primeiro no bar  Ojea, o único que hai. 

Xa desde o primeiro momento a ruta foi impresionante adentrándonos no bosque por  camiños tracionais e rodeados de valados de pedras tapizadas de musgo  e por congostras entre paredes de montes, enchidos de altas árbores: castiñeiros, carballos, sobreiras... só algunha zona aparecía os eucalitos ou piñeiros. 

A humidade e a chuvia destos días fixo que, en moitos lugares,  os camiños  convertéranse en pequenos regatos  ou estuvisen enchoupados, pero non importou porque  a temperatura era boa e a contorna marabillosa. Seguimos  sendas paralelas os ríos Oseira e  Mirela que ían rápidos cheos de auga. Pasamos por varias aldeas  Albarona, Piñor , Barrán que aínda conservan as súas casas de boa cantería e hórreos, pero algunhas mal conservadas.

Cruzamos alguna pista sempre seguindo aos ríos, así chegamos a zona da antigua fábrica de papel, onde está a pasarela de madeira o lado da canle que levaba as augas  do río Arenteiro á fabrica de papel, por ela atopamos a preciosa fervenza de Peilán, que  fórmase  ao desviar o Arenteiro que cae nunha presa que o conduce á canle. Continuamos o sendeiro o lado do río e atopamos en desnivel catro o cinco muíños, só un deles restaurado, así entre camiños con cereixeiras e nísperos fomos chegando novamente ao punto de partida.

Comemos ao lado da antigua estación de Lalín, no restaurante Estación. Xa de volta paramos para visitar a "Fraga de Catasós" un pequeno recorrido de 1.5 km nun lugar sorprendente cheo de carballos e castiñeiros altísimos de máis de trinta metros e de gran grosor e enormes copas, árbores bicentenarias que impresionan coas súas dimesiones. Unha auténtica marabilla que todos debemos admirar e conservar. A Fraga de Catasós o Quiroga" foi declarada  Monumento Natural no 2000 pola Xunta de Galicia.

  "Fraga de Catasós"

Senda Costa Naviega(22/05/2023)

 

O luns 22 de maio deixamos Langreo despois do almorzo e collimos rumbo de retorno a Galicia, pero antes acercámonos a Navia para realizar unha ruta: a Senda  da Costa Naviega, un recorrido fácil de 19 km. Nós camiñamos o primeiro tramo desde a praia de Barayo ao pobo de Puerto de Vega, pero aínda hai dous tramos máis ata rematar en Punta das Cascareiras. Esta senda e lineal.

Iniciamos a ruta preto da costa, recorrendo o tramo final da ribeira do río Barayo, para chegar a praia onde verte a auga este río, a partir da aí é todo costa, percorremos a praia para seguir polos beira  dos acantilados, contemplando a forza do mar e as estratificacións rocosas, pasamos diante das ruinas do catro de Vigo, tapado pola vexetación de toxos, e por a terras  de labranza que aquí parecen están coidadas.

 Así nun agradable paseo chegamos a Puerto de Vega, un bonito puerto mariñeiro que debeu ser un refuxio clave e defensivo no pasado, contra os piratas, aínda conserva parte das almenas e baluarte do castelo.  Rematamos esta derradeira ruta tomando unhas sidras no porto para logo continuar cerca de Ribadeo para xantar en "O Lar de Carmiña", un restaurante xa coñecido por nós doutras saídas onde sempre nos tratan ben.

Ruta da fervenza do Tabayón do Mongallu (21/05/2023)

O domingo 21 tralo almorzo o bus acercou aos Cen Pés ao pobo de Tarna, un pobo peculiar, con casas iguais en rúas ordenadas, a razón é que foi un pobo destuído durante a guerra civil e rconstruído posteriormente.

A ruta ven sendo sobre un 10 km algo máis se se sube ao Llano de Toru a ver "robledones", dous enormes carballos de gran grosor e antiguadade(11.5 kms).  Os primeiros kilometros son os que teñen máis pendente con  subida constante, despois serrá máis variada.

Os Cen Pés continuaron pola senda ao Tabayón, unha ruta ben sinalada e espectacular desde o principio no que se sumerxe nun bosque de faias, o monte Saperu, que neste tempo primaveral derraman todo o seu verdor, sen dúbida no outono cando todas estas árbores cambien nuha variedade de múltiples cores, sexa aínda máis máxico , pero o certo é que a subida para contemplar a fervenza descorre por un lugar que traspórtanos ao centro da natureza con exemplares de árbores sorprendentes na súa beleza e formas, un lugar impresionante, onde o camiño está preparado para que corran as augas, onde se atopan pontes, e ata unha zona de descanso con mesas, onda a "fonte dos Arellales". O camiño segue e  vaise abrindo, deixando ver a fervenza ao lonxe.

Alí na Campona, rodeados de montes e coa fervenza do Tabayón do Mongallu, despois de acercarnos a fervenza, fixemos un descanso para logo continuar de baixada en esta ruta circular pola conca do río Nalón para chegar novamente  a Tarna.

Tras esta ruta acercámonos a Laviana para xantar no restaurante "La Casona de Entralgo", onde degustamos unha riquísima fabada entre outras cousas.

 

Ruta de Alba(20/05/2023)

 No fin de semana do 20 ao 22 de maio, aproveitando que en Vilagarcía o luns era fetivo local, adicado a Sta Rita, os Cen pés realizamos unha saída de tres días  a Asturias, e  cada día programouse unha ruta.

O sábado fomos directos a percorrer a Ruta de Alba.  Partimos do pobo de Soto de Agues para realizar esta ruta fácil de recorrido lineal de 7.1 km + 7.1 km, ida e volta,  que vai paralela ao río Alba, en leve pendiente ascendente por unha senda asfaltada durante cinco kilometros ata chegar a unha pequena área recreativa, zona que lle chaman a Vega. Dende a alí a subida ten máis pendiente e cambia a senda de terra que adéntrase por un desfiladero onde as paredes da montaña caen en moitos sitios en voladizos, teitos de rocas que suspéndense sobre o camiño, e o río estreitase formando pozas e fervenzas, un entorno precioso no que só se escoita o ruído da auga e o paxaros e o olor a terra e húmedade está no ambiente. Así acompañados desa paisaxe impresinante na que as rocas e os picos teñen formas evocadoras chegamos á Cruz de los ríos, onde hai un antiguo refuxio de pastores e zona de descanso con mesas, alí comimos.

Tras o xantar   fixemos o retorno, redescubrindo o impresionante entorno desta parte do parque natural de Redes, que por algo foi declarada esta Ruta de Alba  Monumento Natural desde o 2001.

 

De Soto de Agues marchamos a Langreo directamente ao hotel AZZ Langrehotel.

Ruta da Auga de Zas (23 de abril)

 O domingo 23 de abril, saímos cara ao concello de Zas para realizar o percorrido PR-G 250 ruta da Auga de Zas, unha ruta nova e moi ben sinalada, sen confusión para os senderistas. 

Foi unha ruta  circular, fácil de 10.5 km ampliable a 15 km. O inicio comenza cerca da aldea de Ponte de Sisto, e rematamos onde empezamos.  Camiñamos  por unha ruta  moi bonita que discorre en todo momento o lado de ríos e sembra de muiños e con tres fervenzas. Tras pasar a aldea de Budián, está a primeira, tras a aldea de Parga está a segunda, co mesmo nome e a última é a de Rabiñoso.

Unha ruta que descorre por sendas recuperadas de tempos pasado e  con moita vexetación, fentos e árbores de ribeira e carballos  e como non con pontellas.

Ruta "Trilho dos Canos de auga"Viana do Castelo(02/04/2023)

 

 Este domingo desprazámonos ata Viana do Castelo(Portugal) para realizar a ruta de "Trilho dos Canos de agua", que comeza e ramata aos pés do santuario do Monte de Santa Luzia, ao lado da Citania (o Castro de Sta Luzia) que foi un poboado fortificado habitado entre a Idadee de Ferro e a Romanización.

A ruta comeza en descenso ata chegar aos "Arcos do Fincao", arcos do acueducto aue forma parte do sistema de abastecementos de augas de Viana. A partir de aí fomos seguindo a traída de agua construída cos bloque de granito perforados, fomos subindo ata chegar a aldea de San Mamede, que cruzamos e rexuntámonos todos os senderista o lado do templo, Continuamos a ruta ata o "alto do Frade" onde hai unha antiga torre de  control aéreo da 2ª guerra mundial, chamada "A casa do radar para  comezar o regreso en descenso ata o lugar de partida.

Díficultade: fácil

Distancia:11.5Km 

 

A Garda- Oia

 O domingo 12 de marzo Cen Pés realizou a ruta costeira entre A Garda e Oia, corrspondendo a 1ªetapa do Camiño de Santiago portugués

Distancia: uns 15kms

Dificultade: fácil