Ruta do Rego dos Muíños (Cabana de Bergantiños)

Esta foi unha bonita ruta nun bonito día.

Chegar a Cabana de Bergantiños leva seu tempo, así que marchamos cedo ás 7.30 e tralo almorzo botamos a andar sobre ás 10.15 polo paseo marítimo de Cabanas, un lugar precioso para disfrutar esta zona interior da ensenada Insúa, que non é outra que a parte interior da ría de Laxe e Corme onde o río Anllóns verte a súas aguas deixando unha zona de marismas  e o inmenso areal da praia da Barra. Cabana ven sendo o territorio que está entre os concello de Laxe e Ponteceso. A verdade é que esta comarca  de Bergantiños é ben coñecida por nós, onde pateamos xa varias rutas como a de "praia de Niñón ata o faro do Roncudo" ou de "Ponteceso ata Corme" pola beira do mar, ambas de gran beleza.

Desde o paseo contemplamos  o areal e o Monte Branco e alá ao lonxe cara o mar Corme Porto.Rematamos na praia de Lodeiro e rruzamos a estrada xeral que vai a Laxe para  collermos a ruta "Rego dos Muíños", unha senda que vai pegada aos meandros do río Roncadoiro que contén na súa beira vintecatro muíños case todos en estado ruinoso, que son testemuños do noso pasado e da forma tan eficiente de aproveitar a natureza de forma respetuosa, por iso da tanta pena velos deste xeito.
A senda vai subindo durante 3.5 kms de forma agradable e suave rodeada dun bosque tipico de ribeira con vidueiros e carballos e prados, ata chegar ao Castro de Borneiro.

 

Cruzamos a estrada AC-430 e visitamos o Castro de Borneiro, do século IV ao I a.C que estivo activo,un gran exemplo da nosa cultura castrexa. De aquí demos a volta para achegarnos a  Dombate e  visitar o dolmen. Logo percorremos a contorna desta aldea e  pasamos polo santurio de nosa Señora do Carme de Briño ou capela das Virtudes. Tras desto dividímonos: uns subiron ao monte ao mirador Fernandiña desde onde se divisaba unhas magníficas vistas da ría e outros volvimos o bus e ao ladiño do mar. Despois do xantar acercámonos as Torres do Allo, un dos pazos máis antigos de Galiza.

Ruta do rego dos Muíños

A próxima saída e o domingo 25 de febreiro ao concello de Cabanas de Bergantiños para facer a ruta de rego dos Muíños-Castro de Borneiro- Dolmen de Dombate.
Percorrido: 12 kms
Dificultade: fácil
Prezo: 25 euros persoa(bus+comida)

Ruta do rego dos Muíños

Ruta Corno do Bico(Paredes de Coura)

Unha ruta preciosa cun bosque espectacular e frondoso, con camiños bordeados de muros de pedras e musgo, con regatos, pero tamén con zonas altas que permitiu disfrutar de inolvidables vistas panorámicas de Paredes de Coura e a súa contorna, para mostra a subida ao miradoiro do Corno do Bico contemplando ao lonxe as montañas nevadas e novamente a baixada continuar un maravilloso paseo entre árbores  nun mañá ao principio foi fría e con resto de neve e xiada, mais logo cun sol deslumbrante que acompañou nesta ruta sen grandes desniveis e bastante ben sinalizada.

Paredes de Coura (Portugal)

O próximo domingo 4 de febreiro partiremos desde a praza de España(igrexa parroquial)  ás 7.30 da mañá para realizar una ruta por Portugal: Paredes de Coura.
Percorrido: 12 kms pola paisaxe protexida dos Bosques  do Corno do Bico.
Dificultade: baixa-moderada.
Prezo: 30 euros(bus+comida)

Ruta a Riveira- praia do Vilar

Neste inicio de ano tivemos moita sorte co tempo, xa que a pesar dos días tan chuviosos que precederon, neste domingo aínda que amaneceu anubrado foi clarexando e tivemos un sol estupendo na nosa ruta que comezamos en Riveira.

No primeiro tramo foi de subida ao monte  do Castro e pasamos polo bonito parque de San Roque e o seu mirador desde o que se contempla Riveira e a ría de Arousa,e un lugar moi recomendable para estar con reproducións de un dolmen, pallozas, pombal  e outos elementos, unha área recreativa agradable.

Continuamos e seguimos subindo para pasar polo mirador da Ra que mira ao mar aberto desde o que se contempla toda a costa da praia de Vilar e Corrubedo coas dunas e as lagoas de Vixán e Carregal, un lugar  impresionante. Seguimos o percorrido polo monte para ir baixando ata a praia do Vilar que estaba preciosa coas ondas e o mar picado, fomos indo polas pasarelas de madeira ata o centro de información do espazo da praia do Vilar e Corrubedo, e de alí pola costa e atravesando a aldea de Vixán,  achegámonos ao mirador da lagoa do mesmo nome que estaba chea de auga, unha bonita zona de marismas e xunqueiras; un pequeno recorrido de 5 km ida e volta desde a praia do Vilar.

A ruta está en Wikiloc: Santa Uxía de Riveira- Parque de San Roque-Mirador da Ra-Lagoa de Vixán

Ruta Riveira-praia do Vilar

O domingo 14 de xaneiro reanudamos as rutas, desta vez para achegarnos a Riveira e realizar unha ruta  de 13km cunha dificultade fácil. Partiremos as 8.00 da maña da praza de España,na igrexa parroquial.
Prezo 25 euros por persoa

Fontefría- Capela de San Cibrán (Catoira)

Como todos os anos e un máis os Cen Pés fixemos a última ruta do 2017 para  facer o que nos gusta compartindo  cos amigos e seguindo a tradición de colocar o noso Belén nun rinconciño da nosa terra, desta vez foi elexida  Catoira e a capela de San Cibrán.
Reunímonos as 10.00 en Fontefría para ir polas pistas do  monte Xiabre cara ao interior da ría nunha mañá fría pero agradable para camiñar este  recorrido que vai paralelo ao río Ulla que dicurría alí abaixo cuberto de néboa, un recorrido no que se contempla como a nosa ría de Arousa vaise abrindo ao mar tan bonita, tan máxica que da alborozo mirala, retela nos ollos mentras imos falando todo o rato con uns  e  outros amigos deste xeito chegados a altura de Catoira, o camiño baixa en forte desnivel por sendas de monte, das de sempre e chegamos a destino: a capela de san Cibrán, unha cabaralleira prciosa e acolledora coas súas  mesas, regato, igrexa, crueiro, e unha alfombra chea de follas ....aquí despedimos o 2017 celebramos o aninovo, papamos e bebemos e como no!!!..escondimos o Belén de CEN PÉS!!!, ese que nos trae sorte para as futuras  rutas do 2018.