Rutas polo Gerês

Aínda que xa pasou un tempo, estas rutas de dous días polo Gerês quedaron grabadas na memoria. Nesta saída tivemos uns días de temperaturas que chegaron a 39º o que limitounos para realizar as rutas programadas.

O sábado  paramos antes de chegarmos a Gerês, debido ao calor decidimos realizar unha pequena andaina polas Lagoas de San Pedro d'Arcos coñecidas por nós en outras ocasións e que son un lugar moi agradable cun coxunto de  pasarelas por riba das lagoas á sombra da vexetación, das árbores, un paseo suave, llano e fresco que permitiu visualizar desde as casetas os paxaros que poboan a lagoa e o río Estorâos. Só que desta vez o humedal  presentaba un aspecto reseco pola  falta de chuvias.

Fomos a comer a ribeira do río en Ponte de Lima, un pobo moi bonito e coidado que andaba en romería con grupos de xente comendo e cantando na alameda do río. Terminamos a tarde no pobo de Gerês e dounos tempo para repoñernos do intenso calor na piscina, ou  no hotel, e a noitiña pasear a fresca polo pobo.

O domingo a ola de calor non baixaba así que madrugamos para realizar o Trilho da Preguiça, unha ruta con moita retranca no nome, porque non se pode ter xuntamente preguiza para facela, en xeral esta zona non hai rutas fáciles, todas teñen grande pendientes, ésta tamén.

Primeiro tivemos que achegarnos andando por estrada dous o tres kms porque cun bus tan longo era difícil maniobra nas curvas en unha estrada con bastante tráfico xa que é a que conduce ao camping e a Galicia pola Portela do Home ( porto de 822 kms)que cruza a serra do Gerés. Nós desviámonos a altura do lugar chamando a Encosta do Arnado, en plena serra do Peneda-Gerês na vertente esquerda do val-faia formado polo río Gerês. O sendeiro pedestre é circular duns 4 kms  con dificultade media-fácil, o que complicou máis foi as elevadas temperaturas, pero realmente e unha ruta formidable para da natureza entre carballos e vexetación variable piñeiros, madroños e unhas preiciosa vistas panorámicas desde o miradoiro etc. Parte da Casa da preguiza(de 650m de altitude) e pasa por distintos lugares ribeira da Laja, miradoiro, ribeira da Cantina, outro miradoiro máis elevado( sobre 800 m), a fervenza de Leonte que era unha desviación de 1,5 kms que apenas levaba auga, cruzamos eso si o río Gerês por dous puntos e tamén algunha fervenza máis en outros tramos do recorrido. Unha ruta moi recomendable.

Saída ao Gêres

Informamos que o sábado 17 partiremos desde a praza de España ás 8.30 da maña para  iniciar a saída de dous días polo Gêres.
Para a ruta do sábado, non pararemos para almorzar polo que xa tendes que vir de casa almorzados e con comida e bebida, pois comeremos facendo a ruta.
Como se espera calor e sol  recordade vir ben equipados ademais de con  botas e bastóns, con sombreiro e protector solar. Tamén recomendamos bañador, chanclas e toalla, xa que no hotel non dispensan toallas de praia.

Sendeiro do río Barbantiños (Carballiño)

Para percorrer o sendeiro do río Barbantiños os Cen Pés acercámonos pola estrada N-541 en  Puxín, na Forxa, para diante do concello baixar cara o río pasando tamén polo camiño diante dun pazo y da capela de San Roque, así chegamos a ribeira onde hai unha fonte termal e uns pasos que cruzamos para camiñar pola beira esquerda do Barbantiños. Xa do primeiro momento parece que nos adentramos nun bosque encantado, con árbores de todo tipo, salgueiros, ameneiros, carballos e fentos enormes. Este río nesta época non leva moita auga porque hai unha presa para explotación hidráulica.

Seguindo a beira por algunha pasarelas para salvar os desniveis chegamos a fervenza de do Viñao ou Cachón, unha caída de auga de 15 m. de altura, xa polo camiño atopamos varios muíños e moitos restaurados, continuamos e pasamos pola minicentral do Barbantiños e cruzamos ao outro lado do río, pasando por un túnel, baixo a vía do tren e pola ponte de arcos apuntados de San Fitz, e dimos volta vendo ao lonxe as magníficas e altísimas pontes do Ave e tamén da autoestrada e nós por entre campos e bosque para logo retornar ao ladiño do río.

Sendeiro do río Barbantiño

O domingo 4 de xuño os Cen Pés colleremos rumbo ás 8.00 da mañá desde a praza de España  a Puxín, cerca de O Carballiño para facer o sendeiro do río Barbantiño.

Distancia: 12 kms.

Dificultade: fácil.

Prezo: 25 euros (Bus+comida) 

Máis información

Ruta de Caveiro e Aguieira(Porto do Son)

Esta foi unha ruta fácil, agradable case doméstica, vimos a desembocadura do río Quintáns, percorrimos a praia de Aguieira ata a punta onde se encontra a antiga fábrica de salazón. Viramos ao interior e por pistas e camiños fomos pasando por diferentes aldea, meredendros e a igrexa de santa María de Nebra do s.XVIII, continuamos ata chegar ao miradoiro da praia de Caveiro desde onde se ve unha bonita panorámica da ría de Noia e Muros e o monte Louro, baixando a praia e camiñando por ela, continuamos a ruta ata rematala moi cerca de onde a iniciamos.

Ruta de Caveiro e Agueira (Porto do Son)

Informamos que a próxima saída realizaremola o domingo 14 de maio ata Porto do Son para facer o R3 de Caveiro a Angueira, partiremos da praza de España ás 8.00.
Distancia:13.5kms
Dificultade: fácil
Prezo: 25 euros


Máis infomación

Ruta de " A Cubela"- Ribas do Sil

Nun día fantástico para camiñar, aínda que un pouco caluroso, comezamos esta ruta circular en Castro de Abaixo, un percorrido de 14 kms que parte no entorno Aguasmestas onde nos deixou o bus e vai subindo polo Camiño Sur  de Santiago ou tamén chamado Camiño de inverno, forma parte no seu 50% na Rede Natural Ancares-Courel.

Pouco a pouco fomos subiendo entre  hortas, prados con gando, camiños bordeados de pedras e soutos de vellos castiñeiros que non deixaron de sorprendernos coas súas formas, árbores que deberíamos coidar con mimo e cariño porque son verdadeiras esculturas. Así chegamos a aldea de Tobeo onde tomamos un viño fresquiño na taberna e visitamos a escapada a igrexa do s. XII-XIII.

 Esta quizás foi a etapa máis esixente; logo fomos baixando e collemos o camiño que leva ao miradoiro de Louxoá. Nótase que estas terras son ricas en todo, gando nos herbais, montes cheos de todo tipo de árbores, sobreiras, madroños, caballos, castiñeiros, e como no o viño que se desparrama nas abas do Sil, o rico mencía, tal vez non se vexa por aquí tanta vides como noutro zonas, pero non faltan. É unha zona  rica  en flora e fauna. 

Pasamos por Pena tallada, unha pena labrada polo home para deixar pasar os carros e o gando e levounos ao meandro da Cubela, que nos deixou boquiabertos, é espetacular esta paisaxe, parece un xigantesco animal prehistórico visto frente a frente, pero non;  tampouco  é este meandro de case 360º froito do río, senón dunha fractura orográfica na placa de granito, arenisca e cuarcita de máis de 360millóns de anos. É realmente fermoso,  a altitude  aquí íalcanza os 600m. e resulta incrible que os homes desta terras lograran salvar tremendo desnivel a base de esforzo, moito traballo e tan pouca tecnoloxía.

A baixada faise máis pronunciada ata chegar a aldea de A Cubela, pequena e bastante restaurada. Nós seguimos de largo pegados a beira do Sil por un camiño estreito ata chegar a ver a desembocadura do río Lor no Sil, para virar cara ao interior e volver a Castro de Abaixo cansos pero satisfeitos, rebosantes de tanta fermosura.