Ruta: Pena Guímara( Fonsagrada)

A próxima ruta será o mércores 1 de maio a Fonsagrada para realizar a ruta Pena Guímara, PR-G 139, unha ruta peculiar porque non a faremos en domingo como ven sendo habitual e teremos que levar a comida cada un,bocata ou taper, non comeremos de restaurante.
A saída, se partirá desde a praza de España ( igrexa parroquial) ás 8.00.
Percorrido: 10.5 kms
Dificultade: Moderada
Prezo: 15 euros(só bus)
PR-G139: Ruta de Pena Guímara

Trilho da Pedra Alçada(serra da Agra)

Comezamos a ruta xunto á calzada adoquinada que leva a igrexa de Arga de Sa Xoán, que estaba pechada, e ten unha  gran sobreira na entrada. De aquí fomos ascendendo con inclinación non moi pronunciada entre arbolado, pero pronto desapareceu para continuar por monte aberto, con grandes fomacións graníticas adornadas coas flores amarelas dos toxos. Segundo fomos subindo por un  camiño empedrado en boa parte del, o recorrido fíxose máis canso polo sol e falta de sombra, aínda así  as  bonitas vistas do val e da serra da Arga aliviaban a subida.

Unha vez que chegamos a pista que leva aos areoexeneradores, fixemos unha desviación a dereita para acercarmos ao posto de vixía coñecido como "da Pedra Alçada" desde onde distínguese a desembocadura do Miño, o outro lado Sta Tegra e o océano Atlántico, pero había certa bruma que restaron nítidez as vistas, (unha pena!)

Despois desandamos unha parte de camiño para baixar cara ao Mosterio de San Xoán de Agra, un lugar moi agradable coas sobreiras centenarias, igrexa e edificacións das celdas dos monxes, todo ben conservado; hoxe serven para que acampen un grupo de xente nova que fai algo máis que meditar. 

De aquí algúns subiron ao bus e outros seguimos o camiño que volve a Agra de san Xoán,  ao baixar fomos atopando novamente un bosque agradable con regatos e pozas por onde descorre a auga.

O camiño  nesta ruta estivo bastante ben sinalado en todo o recorrido.

 

Ruta de Bocelo(Coirós)

Este próximo domingo 7 de abril ás 8.00 da mañá desde a praza de España( igrexa parroquial de Vilagarcía) marcharemos para a zona de Betanzos para facer esta ruta:


Ruta de Bocelo(SM.12) en Chelo(Coirós)

Variará un pouco, pois faremos máis kms. Un percorrido pola ribeira do río Mandeo

Dificultade: fácil- moderada, circular
Percorrido: 12 kms

Trilho da Pedra Alçada(Serra da Arga-Caminha)

O do domingo 24 de marzo, os Cen Pés continuaremos sendereando está vez polo Portugal, pola serra da Arga cerca de Caminha, unha ruta coñecida como "Trilho da Pedra Alçada".
Distancia:14.5 kms
Dificultade: moderada
Prezo: 27euros persoa(comida+bus) as prazas están completas, pero os interesado poden chamar por se quedan baixas  de última hora.

Trilho da Pena Alçada- serra da Arga

Esta ruta será 2 kms, máis longa.

Roteiro por Cortegada

Con moita sorte polo tempo, empezamos a ruta na entrada a Cortegada, cerca do novo balneario, para coller a estrada que vai a Celanova, Ou-531 da que faríamos uns 100 ou 200m para coller unha pista empinada(chamada Puga Sarmiento) hacia o monte, entre casas. Neste primeiro momento empezamos a andar con bastante néboa, que logo iría despexando a largo do día e tivemos un sol estupendo que empezou a brillar ao chegarmos ao encoro.

Por sendeiros de monte alfombrados de follas dos carballos e sobreiras fomos camiño da aldea de Seixomil, cruzamos a estrada e por camiños bordeados de mimosas florecidas pasamos cerca do pazo con preciosa chimenea, para seguir adiante e entrar na aldea de Eirexa, onde  visitarmos o entorno da igrexa de San Bieito do Rabiño co seu Humilladoiro, aquí fixemos a foto de grupo.  

Volvendo aos camiños, fomos disfrutando dun bosque espeso con carballos e moita vexetación, matas amarelas de mimosas de cando en vez, así pasamos polas aldeas abandoadas de o Vao, e de a Barca, xa cerca do  encoro, que desapareceron xustamente pola construción do mesmo, porque os seus habitantes perderon a súa forma de vida unha vez que asolagaron as terras de ribeira do Miño. Parece ser que nesta parte do río, había un posto de barcas para cruzalo, ao facer a ponte, a aldea da Barca terminou desaparecendo, e dela so quedan os fermosas casas arrumbadas nas que nos detimos para facer unha pequena paradiña.

A pesar da desfeita que supuxo o encoro, no que quedaron sepultadas moitas aldeas, e terras de cultivo, e tamén impediu o desove da lamprea e salmón que había no Miño, polo que desapareceron esta especies no río...a pesar de todo, o noso encontro co río foi unha sorpresa, porque estaba precioso, nas augas reflectíase toda a paisaxe, as árbores,  as amarelas mimosas, un precioso  camiño que pedía quedarmos a disfrutar desa tranquilidade e beleza, pero había que seguir  camiñando e chegamos ao antigo balnerio de Cortegada, un edificio vacío, abandonado que mira ao Miño. Alí atopamos moita xente, pois varios grupos de senderistas iniciaban ou remataba  a ruta. Nós seguimos ata o miradoiro da Cota da Pena que pendúrase enriba do Miño, de aí pouco quedou para continuar e rematar esta preciosa ruta a lado do novo Balneario de Cortegada, onde nos esperaba o bus.

Roteiro de Cortegada(Ourense)

O domingo 24 de febreiro os Cen Pés parte desde a praza de España ás 8.00 mañá para realizar o "roteiro de Cortegada", unha ruta de río e monte.
Percorrido: 14 kms
Dificultade: moderada
Prezo: 25 euros persoa(bus+Comida) o menú será cocido galego.

Roteiro de Cortegada

Ruta Foxo do Lobo(Cotobade)

Esta ruta como as que vemos facendo ultimamente foi circular e impresionante, con camiños por carballeiras, algo de monte alto e despexado,  corredoiras, camiños empedrados, pontes, aldeas abandoadas, muíños e ribeiras do río Almofrei: unha marabilla.

Partimos despois do pertinente almorzo diante da antiga casa do concello de Cotobade de 1808 en Carballedo, en A Chan, sinalar que estamos en terra de grandes canteiros, o que se ve en todas as construccións desta zona, as antigas casas, pazos, muíños, hórreos, pontes e pontellas.

 Baixamos á piscina fruvial e área recreativa que hai a beira duns muiños que aproveitan a auga do río Almofrei, afluente do Lérez. Facemos un primeiro paseo polo  río para volvelo a cruzar por riba dunha pontella fermosa con cinco losa de ancho, con seis tramos iguais, unha obra de cantería. Collemos camiño da estrada que leva a Aguasanta, pasamos diante dun pazo e subimos cara o monte, cruzamos novamente o Almofrei, polo camiño atopamos casas de catería e un amigable gatiño que sae a saludarnos. Seguimos en subida por pendiente cada vez máis suaves por camiños rodeados de carballeiras, con exemplares impresionantes, tamén na parte máis elevada a paisaxe cambia con menos vexetación entre piñeiros e toxos, encontramos aquí o verdadero antranco desta ruta, os camiños encharcados. 

Logo comenzou a baixada cara ao Foxo do lobo, rodeados novamente de carballos ata chegar a depresión máis baixa, o Foxo do Lobo, unha trampa para cazar lobos onde  xúntanse dous muros de pedra entorno a un pozo, un lugar tan fermoso nesta carballeira atravesada por un tranquilo regato.. 

Nós volvemos a subir a parte despexada e soleada para recontrarnos coas vistas e  para volver a baixar cara ás ribeiras do Almofrei, así sumerxímonos no mundo máxico das carballeiras, congostras e das beiras anegadas do río, cruzamos a bonita ponte de Serrapio, pasamos pola aldea abandoada de Arufe...estes impresionantes lugares o musgo,  a auga, a natureza ten aínda vida propia, que pese aos intentos de domesticala, volve a recuperar o que é de seu. E nós con estes pensamentos e pasando por prados, máis muíños e  pontellas volvemos a Carballedo.