Trilho da Pedra Alçada(Serra da Arga-Caminha)

O do domingo 24 de marzo, os Cen Pés continuaremos sendereando está vez polo Portugal, pola serra da Arga cerca de Caminha, unha ruta coñecida como "Trilho da Pedra Alçada".
Distancia:14.5 kms
Dificultade: moderada
Prezo: 27euros persoa(comida+bus) as prazas están completas, pero os interesado poden chamar por se quedan baixas  de última hora.

Trilho da Pena Alçada- serra da Arga

Esta ruta será 2 kms, máis longa.

Roteiro por Cortegada

Con moita sorte polo tempo, empezamos a ruta na entrada a Cortegada, cerca do novo balneario, para coller a estrada que vai a Celanova, Ou-531 da que faríamos uns 100 ou 200m para coller unha pista empinada(chamada Puga Sarmiento) hacia o monte, entre casas. Neste primeiro momento empezamos a andar con bastante néboa, que logo iría despexando a largo do día e tivemos un sol estupendo que empezou a brillar ao chegarmos ao encoro.

Por sendeiros de monte alfombrados de follas dos carballos e sobreiras fomos camiño da aldea de Seixomil, cruzamos a estrada e por camiños bordeados de mimosas florecidas pasamos cerca do pazo con preciosa chimenea, para seguir adiante e entrar na aldea de Eirexa, onde  visitarmos o entorno da igrexa de San Bieito do Rabiño co seu Humilladoiro, aquí fixemos a foto de grupo.  

Volvendo aos camiños, fomos disfrutando dun bosque espeso con carballos e moita vexetación, matas amarelas de mimosas de cando en vez, así pasamos polas aldeas abandoadas de o Vao, e de a Barca, xa cerca do  encoro, que desapareceron xustamente pola construción do mesmo, porque os seus habitantes perderon a súa forma de vida unha vez que asolagaron as terras de ribeira do Miño. Parece ser que nesta parte do río, había un posto de barcas para cruzalo, ao facer a ponte, a aldea da Barca terminou desaparecendo, e dela so quedan os fermosas casas arrumbadas nas que nos detimos para facer unha pequena paradiña.

A pesar da desfeita que supuxo o encoro, no que quedaron sepultadas moitas aldeas, e terras de cultivo, e tamén impediu o desove da lamprea e salmón que había no Miño, polo que desapareceron esta especies no río...a pesar de todo, o noso encontro co río foi unha sorpresa, porque estaba precioso, nas augas reflectíase toda a paisaxe, as árbores,  as amarelas mimosas, un precioso  camiño que pedía quedarmos a disfrutar desa tranquilidade e beleza, pero había que seguir  camiñando e chegamos ao antigo balnerio de Cortegada, un edificio vacío, abandonado que mira ao Miño. Alí atopamos moita xente, pois varios grupos de senderistas iniciaban ou remataba  a ruta. Nós seguimos ata o miradoiro da Cota da Pena que pendúrase enriba do Miño, de aí pouco quedou para continuar e rematar esta preciosa ruta a lado do novo Balneario de Cortegada, onde nos esperaba o bus.

Roteiro de Cortegada(Ourense)

O domingo 24 de febreiro os Cen Pés parte desde a praza de España ás 8.00 mañá para realizar o "roteiro de Cortegada", unha ruta de río e monte.
Percorrido: 14 kms
Dificultade: moderada
Prezo: 25 euros persoa(bus+Comida) o menú será cocido galego.

Roteiro de Cortegada

Ruta Foxo do Lobo(Cotobade)

Esta ruta como as que vemos facendo ultimamente foi circular e impresionante, con camiños por carballeiras, algo de monte alto e despexado,  corredoiras, camiños empedrados, pontes, aldeas abandoadas, muíños e ribeiras do río Almofrei: unha marabilla.

Partimos despois do pertinente almorzo diante da antiga casa do concello de Cotobade de 1808 en Carballedo, en A Chan, sinalar que estamos en terra de grandes canteiros, o que se ve en todas as construccións desta zona, as antigas casas, pazos, muíños, hórreos, pontes e pontellas.

 Baixamos á piscina fruvial e área recreativa que hai a beira duns muiños que aproveitan a auga do río Almofrei, afluente do Lérez. Facemos un primeiro paseo polo  río para volvelo a cruzar por riba dunha pontella fermosa con cinco losa de ancho, con seis tramos iguais, unha obra de cantería. Collemos camiño da estrada que leva a Aguasanta, pasamos diante dun pazo e subimos cara o monte, cruzamos novamente o Almofrei, polo camiño atopamos casas de catería e un amigable gatiño que sae a saludarnos. Seguimos en subida por pendiente cada vez máis suaves por camiños rodeados de carballeiras, con exemplares impresionantes, tamén na parte máis elevada a paisaxe cambia con menos vexetación entre piñeiros e toxos, encontramos aquí o verdadero antranco desta ruta, os camiños encharcados. 

Logo comenzou a baixada cara ao Foxo do lobo, rodeados novamente de carballos ata chegar a depresión máis baixa, o Foxo do Lobo, unha trampa para cazar lobos onde  xúntanse dous muros de pedra entorno a un pozo, un lugar tan fermoso nesta carballeira atravesada por un tranquilo regato.. 

Nós volvemos a subir a parte despexada e soleada para recontrarnos coas vistas e  para volver a baixar cara ás ribeiras do Almofrei, así sumerxímonos no mundo máxico das carballeiras, congostras e das beiras anegadas do río, cruzamos a bonita ponte de Serrapio, pasamos pola aldea abandoada de Arufe...estes impresionantes lugares o musgo,  a auga, a natureza ten aínda vida propia, que pese aos intentos de domesticala, volve a recuperar o que é de seu. E nós con estes pensamentos e pasando por prados, máis muíños e  pontellas volvemos a Carballedo.

 

Ruta Foxo do lobo (Cotobade)

O próximo domingo 3 de febreiro partiremos ás 8.30 da mañá desde a praza de España para patear a ruta coñecida como "Foxo do lobo" en Cotobade.
Percorrido: 11.5km circular
Dificultade: Baixa
Prezo:27 euros. Prazas xa completas

Ruta : Foxo do lobo

Ruta río Maneses( Campo Lameiro)

Esta ruta é circular: O bus deixounos na estrada e baixamos ata río para incia a ruta onde hai unha ponte, a que volveremos ao rematar.

Así pois comezamos a andar na beira do río Maneses nunha mañá sen chuvia con moito frío e campos    brancos pola xeada. O río tiña unha certa bruma. O Maneses é  bulideiro, corre balarín con augas limpas e unha vexetación de ribeira  variable con prados e sobre todo  un bosque  exuberante cheo de árbores cobertas de musgo  (ata as raíces que sobresaen da terra o tiñan), de fentos, etc...A senda  pasa o lado de moitos muíños abandoados, en diferentes estados de deterioro, nun  sube e baixa entre as follas caidas das árbores, cruzamos varias pontes sobre o río  e chegamos a área recreativa de Lodeiro, onde se xunta co Lérez. 

Fomos un tramo de percorrido ao lado do Lérez nun senda máis despexada xunto a un río máis amplo e tranquilo. Chegamos ao Parque Arqueolóxico de Arte Rupestre de Campo Lameiro, fixemos unha paradiña, pero non entramos para continuar e volver as ribeiras de Maneses.

Esta preciosa ruta, que non ten problema ningún, está dentro da Rede Natura 2000 como espazo protexido polo seu valor ecolóxico e paisaxístico. E merecente de repetir.

Sendeiro do río Maneses (Campo Lameiro)

O domingo 13 de xaneiro inauguramos o 2019 cunha ruta de ribeira, polas beiras do río Meneses en Campo Lameiro, PR-G 230.
Distancia: 11.5 km.
Dificultade: fácil
Prezo: 25 euros.(comida+bus)