Saída a Lamego(Portugal)

Como tiñamos previsto o sábado 30 de maio de mañanciña sobre ás 8.00 collemos rumbo a Portugal e, a pesar da parada polo camiño, comezamos a ruta sobre o mediodía.

Deixounos o bus xusto no mesmo centro de Lamego ao lado do xardín onde inicia este trilho circular da "Serra das Meadas" de 11.4 kms, durante estes primeiros pasos fomos contemplando  xa un pouco a cidade, a alameda que continua monte arriba coa espetacular escaleira que trepa  ata chegar ao santuario do Remedios. O percorrido foi na primeira etapa  en constante ascenso pasando dos 570 metros de altitude nos  que se encontra Lamego a 850 do parque biolóxico da serra. Hai que dicir que esta primeira parte foi a máis dura do percorrido porque  o desnivel era pronunciado e foi  por zona urbana, asfalto e case sen  sombra en pleno  sol do mediodía, pero  con calma e mirando as bonitas vistas panorámicas fomos subindo lentamente ata chegar o parque biolóxico, un espazo de bosque e pinares con gran divesidade onde comimos e recupermos forzas.

A baixada foi máis agradable e xenerosa para nosas pernas, permitíndonos disfrutar do entorno, unha  parte baixa de monte que íase tranformando en leiras dispostas máis ou menos en terrazas para salvas desinveis e con todas as características do rural, muros de pedra, regatos, minifundio ...etc pero con unha gran e sabrosas perculiaridade: por todo o camiño atopamos maravillosas cerdeiras cargadiñas de cereixas que convertiu a case todos os Cen Pés en  furtivos de terra adentro.Con estas fomos pasando por Penude de Abaixo unha aldea cercana a Lamego e continuando cara a esta cidade xusto polo monte detrás do santuario do Remedios.

De volta en Lamego fomos ao hotel Lamego, inmejorable.. distribuímonos nas habitacións e uns quedamos disfrutando das instalación do hotel, a piscina e spa e outros foron a coñecer a cidade que estaba en festas e é moi bonita e antiga co seu castelo, cisterna e zona vella de gran beleza.

O domingo tralo almorzo acercámonos en bus a Samodaes en pleno corazón do val do Douro para realizar o trilho circular do "Viño do Porto" de case 7 kms. Aquí dicir que toda a ruta foi espectacular, dura porque tiña moitas pendientes de subida e baixada excepto o tramo que fixemos ao lado o río Douro, pero tanta beleza e a sombra dos camiños aliviou nosa andaina.  As vistas eran maravillosas dun val tranformado polo home para sacarlle o mellor á terra e convertir este lugar case nun paraíso onde crece non só o famoso viño do Douro senón todo tipo de árbores, pexegueiros, améndoas , olivos e moitas, moitísimas cerdeiras todas cheas de cereixas maduras nesta época do ano ata o punto inimaxinable, ¿é que en Lamego non hai paxaros?!!! habelos, hainos pero non dan comido tanta cereixa, que neste lugar da en abundancia a para todos ata para os Cen Pés. O certo é que o entre as preciosas vistas do val, do Douro alí abaixo, das terrazas penduradas e tan ben alineadas, as deliciosas cereixas fomos facendo a ruta nun suspiro por non dicir en éxtase..

Xa de volta  acercámonos en bus ata Lamego eaínda deu tempo a relaxarse e comer neste estupendo hotel e achegarnos logo ata o santuario dos Remedios e aí partir facendo a sesta. Otra saída memorable e desde aquí un agradecemento aos organizadores.

   

Saída a Lamego(Portugal)

Informamos que o último fin de semana de maio os senderistas de CEN PÉS marcharemos de ruta por Portugal. A saída é de dous días, partiremos o sábado 30 ás 8.00 da maña e regresaremos o domingo 31 pola noite.

O sábado debemos levarnos a comida pois xantaremos  no camiño facendo a ruta para logo ao remante  cercarmos a Lamego e instalarmos no hotel Lamego. Teremos a tarde para coñecer a cidade.

O domingo despois do almorzo realizaremos outra andaina pola zona.

O prezo da saída é de 80 euros por persoa que comprende bus, aloxamiento dun día con cea(sábado), almorzo e xantar do domingo.

Recordamos levar calzado adecuado, ropa de reposto e para os que queiran bañador e chanclas pois o hotel  ten piscina.

Que ver en Lamego

Ruta a Ares

 

 

 

Nesta saída tivemos sorte, tras unha noite chovendo a mares, todos pensábamos que levaríamos unha boa molladura; en cambio disfrutamos dun tempo cuberto, pero agradable sen chuvias e mesmo ao final da ruta ao visitar Redes case parecía abrir o sol.

Partimos da praia de Chanteiro para coller a costa e ir vendo o mar e a boca da súa  ensenada. Fomos todo pola costa ata punta Avarenta entre o mar que rompía nas rochas e as flores amarelas dos foxos e as xetas e o rosas das armenias marítimas, que facía un manto precioso; a partir de punta Avarenta metímonos máis ao interior entre pequenas estradas de barrios e  boas casas, tamén pastizais e o mar ao lonxe, así ata chegar a Ares, no que aínda puidemos aproveitar un tempo de lecer, tralo cal marchamos un intre a Redes antes de comer en As Neves no restaurante Toñita, no que comemos estupendamente como ben sendo costume.

Ruta a Ares

A próxima saída realizarémola o VENRES 1 de MAIO , en lugar do domingo correspodente. A ruta será polo concello de Ares, é  costeira. Partiremos ás 8.00 da mañá desde a igrexa parroquial de Vilagarcía.
Percorrido: 13 kms, saíremos desde a praia de Chanteiro ata Ares todo pola costa.
Dificultade: fácil.
Prezo: 25euros por bus + comida.

Praia de Chanteiro-Ares

Máis rutas

En caso de bo tempo recordamos levar gorro e protección solar ademais da botella de auga ou refresco.

Ruta de Verducido(Xeve)

Unha  ruta preciosa, de prados e montaña e ao lonxe o mar....

Ruta por Verducido(Xeve)

O domingo 12 de abril partiremos ás 8.30 da mañá desde a igrexa parroquial de Vilagarcía ata Verducido para realizar unha andaina polas montañas preto de Pontevedra, unha ruta cercana.

Dificultade: moderada

Percorrido: 13 kms

Prezo: 25 euros por persoa, con bus e comida.

Teremos que partir xa almorzados pois os arredores do comezo da ruta no ten lugar apropiado.

Esta ruta está planificada para tempada sen choivas polo que se nos días previos chovese teríamos que cambiar e realizar outra ruta.

Serra da Arga

Este recorrido chamado o "sendeiro de Chá Grande" comeza na Igrexa de Arga de Abaixo, para chegar alí subiunos  o bus pola unha estrada na que fomos vendo a  serra de Arga e ao val de Cha Grande cunhas vistas panorámicas estupendas. 

Empezamos a ruta en Arga de Abaixo, cruzamos o pobo entre casas, hórreos e prados e cultivos en terrazas para aproveitar o desnivel do terreo, fomos ascendendo primeiro por sendeiro e logo por un antigo camiño empedrado de carros que deixaron as pegadas no chan.  O espetáculo é a cantidade de masa granítica, pedras e pedras, montañas de pedras en distintas formas e proporcións, así chegarmos arriba,  unha zona máis aberta  con  pista para acceder os aeroxeneradores que instalaron na parte máis alta da serra(700m.), desde aquí comtemplamos todo o val e incluso a costa con Camiña ao lonxe; seguimos o noso recorrido e paramos un pouco no Alto da Fonte da Urze, onde nace o río Áncora e dende se contempla os prados nos que pasta o gando libremente, cabalos, ovellas ...a partir daquí imos baixando serpenteando por un camiño de laxas e rochas,  chegamos aos muíños de Covao e atravesamos Gándara e seguimos ata outra vez entrar en Arga de Cima por diante da fonte Salgueiriña. Unha ruta maravillosa para os que lle gusta a montaña acompañada dun día estupendo. Ao rematar volvemos e pasamos a tarde en Camiña.