Ruta de Gêres: Trilho de Sao Bento da Porta Aperta e Trilho do currais

A ruta comezou como tiñamos previsto, sobre ás 12.00 estabamos no macrocomplexo relixioso de Sao Bento, o que non contabamos foi cun tempo tan chuvioso, ou si porque as previsións metereolóxicas era mala desde o principio,aínda así a maioría de nós fixo a ruta que parte desde este enclave subindo polo monte, na cara sudoeste e nordeste do val do Río Caldo.

A maior parte do ascenso foi penoso porque coa chuvia e as nubes non se podía distinguir a paisaxe e só tiñamos atención para o camiño e pouco máis, castiñeiros ó lado dos camiños facíanos abaixaros para coñer algunha castaña, os regatos e a correntes de auga que caían do monte erosionado as pedras e desnudando as sendas, aquí e alá algunhas vacas cuns cornos longuísimos e os cabalos, animais aos que tanto ten  tanta agua.

O ascenso foi durillo polas condicións e desnivel o terreo de 220 m pasamos a 630m en poucos kms, polo que optamos non acercarnos a ver o foxo do lobo porque era prolongar a penuria máis tempo, a ruta estaba ben sinalada, anque tivemos un despiste ao dilucidar se continuabamos hacía o foxo ou non, como era circular  fomos baixando desde máis arriba pero mirando sempre o encoro e o mosteiro, neste tramo tivemos a sorte de que a chuvia foi parando e puidemos contemplar as vistas panorámicas, realmente espetaculares. Para cando chegamos a sao Bento xa saia o sol.

Todos comemos ali mesmo e visitamos o recinto tras o cal marchamos e Gêres onde pasamos a tarde.

O domingo amaneceu un día estupendo e tras arranxar a cousas e almorzar iniciamos a ruta desde o mesmiño pobo, tiramos cara España para percorrer o PR-3 ou trilho dos currais. unha ruta ben bonita e dura tamén cun desnivel considerable pois pasamos de 400 m a 950m, unha constante subida ata chegar ao mirador de Pedra Bela, despois fomos volvendo nunha profunda baixada. O percorrido estivo rodeado de árbores e auga constantemente onde sorprendeunos a todos a cantidade de madroños cos seus froitos maduros nas ramaxes e no chan, segundo íamos subindo contemplabamos as montañas de enfrente iluminadas e máis adiante as grandes rocas con fomas tan caprichosas e sorprendentes e no chan unha delicia, unha cantidade enorme de níscalos nas beiras dos camiños. Todos espetacular e sobre todos as vistas desde o mirador de Pedra Bela.

Un lugar para volver e facer máis rutas e un hotel, "Universal", para repetir pois o aloxemento e as comidas foron impecables.

Rutas pola serra do Gêres

Informamos que a próxima saída da nosa asociación é de dous días, 18 e 19 de outubro a serra do Gêres en Portugal.

Marcharemos o sábado 18 ás 8.00 da mañá, este primeiro día teremos que levar nós a comida xa que comeremos polo camiño, facendo a primeira ruta.

Iremos por Braga e pararemos no santuario de San Bento da Porta Aberta, xa na entrada do Gêres; pensamos chegar cerca do mediodía e comeza ruta circular sinalada como PR.7, catalogada con dificultade media de 11kms aproximadamente.
Trilho de Sao Bento- PR7

 Ao rematar a andaina marcharemos ao pobo de Gêres, vila termal, recomendable para os que lle interese levar bañador. Aloxarémonos no hotel Universal. Onde tamén cearemos, almorzaremos e xantaremos  o domingo.

O domingo 19 farémola outra ruta nos arredores,  a ruta PR.3 ou PR6 sobre uns 10kms con nivel de dificultade media alta, e tras a comida voltaremos.

Trilho dos currais- PR3

O prezo é de 80 euros(tranporte, cea-almorzo-xantar e aloxamento) para os novos ou os senderistas que fixeron menos de cinco saídas o ano pasado, e para os senderistas que fixeron máis queda en 70 euros por persoa.

Dicir que as prazas están xa cobertas pero poden haber baixas de última hora por tanto se alguén desexa paticipar pode preguntar aos directivos por se hai prazas.

Costa Ártabra

Esta foi unha ruta estupenda cun día envidiable.

Marchamos a hora prevista e tras almorzar acercámonos ao lugar de Espiñeira onde un membro da Asociación Montaña Ferrol presentouse e explicounos un pouco como ía ser a ruta creada, mantida e sinalada por eles cunha dobre frecha amarela e violeta. Esta ruta, que estaría en todo momento moi ben marcada, forma parte dun percorrido de 50kms arredor de Ferrol, nós fixemos sobre 14 kms, case todos mirando a costa Ártabra que é moi bonita.

Saímos de Espiñeira cara ao monte, unha forte subida que indo a modo levouse mellor, así ata o coto da Lagoa, pasamos ao lado do antiguo cuartel militar de aviación, que nunca chegou a estrearse, (información de primeira man, da nosa compañeira Maricarmen, filla do guardés), chegamos a zona máis alta desde onde contémplase toda a costa, a ensenada  de Covas, alí relatounos o compañeiro de Montaña Ferrol, todos os lugares e detalles destas terras, da igrexa de Sta Comba ata da serra de Faro, da que se pode chegar a ver os Ancares nos días máis claros, etc..

Logo desta pequena parada continuamos baixando cara á zona de despegue de parapentes, pasamos diante das primeiras casas e chegamos a praia de Ponzos que é unha preciosidade, larga cun mar azul e unhas ondas das que disfrutan en esta época sobre todo os surfistas. Fomos paralelos a praia ata o final onde están as illas coa capela de Sta Comba, continuamos baixo o sol un pouco abafados. pasamos por diante dun antigo campo militar de tiro  e pasamos á praia de Vilar, así seguindo as frechas en todo momento  fomos recorrendo a costa cunhas vistas impresionantes. 

Despois de comer moi ben, fomos a dar un paseíño por Ferrol, na parte vella onde  hai exemplos de casas moi bonitas e doutras  moitas que están por desgraza caendo sen remedio.

Desde aquí queremos expresar o noso agradecimento a Maricarmen que fíxonos de guía e preséntounos a Montaña Ferrol, ademais recoméndounos o restaurante máis apropiado para xantar: todo un pracer estar polas súas terra.

Costa Ártabra

Xa chegou setembro e comezamos ás nosas andainas neste 2014-15, e como estamos cunha temperatura agradable e a todos quedounos gañas de estar cerca do mar e prolongar así este inestable verán, camiñaremos pola costa ártabra, cerca de Ferrol o domingo 21 de setembro, partiremos desde a igrexa parroquial de Vilagarcía ás 7.30.

Percorrido: 14 kms

Dificultade: media

Prezo: 25 euros por persoa

Os interesados en participar nesta actividad, habituais ou novos senderistas, poden ingresar os cartos na nosa conta na entidade  A Banca o luns día 8 ata completar bus.

Ademais informamos que CEN PÉS comprou unha partida de bastóns de senderismo usados pero en perfecto estado para que os que o desexen e non os teñan, poidan adquirir os por 2 euros o bastón.

Recordamos que as recomendación para equipación na práctica deste deporte é:

- Calzado adecuado: imprescindible levar botas de senderismo(de cana alta ou baixa) para que agarren ben ao chan e evitar as caídas; por favor non se debe levar outro tipo de calzado,( os tenis son cómodos pero resbalan e unha caída comprométenos a todo o grupo).

-Roupa apropiada segundo a estación. No inverno levar roupa de  abrigo e un  impermeable. Na primavera roupa máis fresca e gorro ou sombreiro.

-Bastóns. É importante a utilización dos bastóns, aínda que sexa só un, para apoio, se non se usa, sempre se pode encoller e levar na mochila.

-Alimentos: todos deberíamos levar auga e un pouco de comida( dulces, froitos secos, froita...) para evitar deshidratación, golpes de calor ou baixadas de azúcar.

-Roupa de reposto: é aconsellable pero non imprescindible, para un recambio, incluido calzado.

Outras recomendacións é que unha vez en ruta,cando inicimos o camiño nunca perdamos o contacto visual coa persoa que vai diante de nós ou detrás.

CEA amigos de CEN PÉS 2013-2014

Informamos a tod@os que a cea fin de tempada 2013-2014 celebrarémola o sábado 21 de xuño enriba do mar, no restaurante  "A batea" no porto deportivo.

O aperitivo será ás 21.30 e a cea ás 22.00.

O prezo por persoa é de 23 euros. Poden asistir acompañantes de senderistas. O ingreso bancario debe facerse antes do mércores 18 de xuño ou ese mesmo día para facilitar a organización.

Agradecemos a tod@os a vosa participación e compaña nas andainas deste curso de CEN PÉS e agradecemos aos directivos e colaboradores a súa gratuita e desinteresada dedicación.

Bo verán e vémonos en setembro!!!!

Ruta polo río Vilacoba e San Xusto

Es foi a ruta que fixemos realmente por terra de concello de Lousame, a do río Vilacoba e o seu afluente San Xusto. Acompañounos a todo momento facendo de noso guía Germán co apoio tamén de Manuel e de Maite que explicounos a historia do mosterio de San Xusto na aldea de Toxosoutos, dende aquí o noso agradecemento.

Partimos dunha aldea non sei se Brandía ou Sanpaio, adentrámonos nun monte de pinar  e con eucalitos, pero pronto foi cambiando a paisaxe entre prados e cun bosque máis frondoso con carballos, ameneiros etc asífomos ascedendo ata o monte Culou(400-500m de altirude) desde onde divisamos unha vista panorámica da ría de Noia, neste ascenso o tempo ainda estaba inestable e nublado e logo tivemos a sorte de que foi abrindo.

Baixando pasamos por varias aldeas Lensede, Castro, e por pontes sobre o río Vilacoba que nace no monte da Muralla (Fruime) e percorre o concello de Lousame de Este a Oeste. A parte máis bonita dar desta ruta, foi sen dúbita cando acadamos o río e percorremos la súa beira ata Brandia, xa que mantén unha vexetación exuberante e variada, un río que por momento e baixa calmo e noutras vai rápido entre pequenas fervenzas, un río con moita vida pasada xa que no seu entorno existiron ata cinco fábricas de papel, que aínda seguen en pé deixando aos visitantes como nós aparvados ao contemplar as ruinas destas fábricas como a de Galiñeira e sobre todo a maxetuosa mole  de Fontán, pasamos tamén ao lado doutras, e rematamos a ruta chegando a Brandía.

Pola tarde acercámonos ao restos de mosteiro de San Xusto, do que se conserva a igrexa e un alberque que non estaba aberto. Un entorno moi bonitoe agradable cunhas fervenzas impresionantes.

-Unha ruta que mereceu a pena realizar e incluso repetir xa que non poidemos acercarnos a ver os petroglitos que hai en Lesende.

Ruta das minas de San Finx- Lousame

O domingo dia 8 de xuño CEN PÉS partirá ás 8.30 desde a igrexa parroquial para facer unha ruta circular polo concello de Lousame acompañados dun guía.
 Ascenderemos desde a aldea de Cruido cara ao monte de  San Finx para pasar polas minas do río, outras aldeas e chegar a parte alta do monte onde se contemplan unhas maravillosas vistas panorámicas das rías.

Percorrido: 12 kms
Dificultade: media
Prezo: 25 euros por persoa.