Bierzo: Noceda-Médulas

A próxima saída  serás de dous días, correspondientes o 19 e 20 de maio.

Partiremos o sábado 19 ás 8.00 da mañá desde a igrexa parroquial de Vilagarcía. A media mañá faremos unha parada técnica e aproveitaremos para tomar o café. Chegaremos ao Bierzo sobre ás 12 ou 12.30 e  acercarémonos a Noceda para camiñar a "ruta de las fuentes curativas". É imprescindible levar bocata para comer porque pararemos no medio da ruta para logo rematala e continuar a viaxe ata Ponferrada.

A Ruta de las fuentes curativas é  catalogada:

- Dificultade: baixa-media e

-Percorrido: 9 kms.

O domingo 20 realizaremos unha ruta polas Médulas.

O prezo da ruta é de 50 euros para os senderistas que fixeron máis de catro saídas e 60 euros para os restantes.

O prezo comprende:

- O desprazamento en autobús ida-volta.

- Cena do sábado.

- Facer noite no hotel Madrid, en Ponferrada.

- Almorzo e comida do domingo.

A comida do sábado vai pola conta dos senderistas: levar bocata ou  similar.

Faremos unha  ruta nas Médulas  das descritas no seguinte mapa que contén información, visítao:

mapa rutas das Médulas, El Bierzo

  É importante ir ben equipados e insistimos e levar o bocata para a ruta do sábado.

Lobios

 Aínda que chega tarde o comentario de esta preciosa ruta, non queda menos que tras ver as fotografías, ter un momento para o deleite de recordar algo  dela.

Saímos a hora prevista para unha zona,  a Baixa Limia, na que xa pateamos varios camiños, pero  é un lugar que sempre merece a pen volver porque sempre hai algo novo que descubrir, nesta ocasión o inicio da primavera nos arredores da aldea de Padrendo.

A ruta foi circular e partimos de Padrendo, pasando a aldea,  adentrámonos por unha zona boscosa que tiña uns muíños para ir subindo cada vez máis alto, segundo íamos subindo a vexetación ía cambiando de carballeira a matogueira onde abundaba a carqueixa e a xesta branca co seu exquisito olor e flor pequena que aquí abundan.

Partimos dunha altura de 500 m sobre o nivel do mar para ascender na parte máis alta da serra do Xurés pola que paseámonos a 900 m, é dicir, subimos e baixamos un desnivel de 400 m. de forma moderada e dándonos o gustazo de contemplar desde unha fervenza ata  os picos máis alonxados coma os Altos de Fontefría, o Chan de Fielo ou o As Albas e outros máis pretos com o Albite, A Lomba etc a paisaxe na parte máis alta da serra só está poboada por enormes penas moitas delas con  extrañas formas, labradas pola erosión..unha paisaxe onde perder a vista.. 

Ao ir descedendo, pasamos pola aldea de Torneiros e visitamos o espléndido conxunto de hórreos.. continuamos a nosa senda para volver  cerca do río Cados e a pasar por fermosas fragas con singulares furados na terra para abrigo dos pastores, antes de chegar novamente  a Padrendo.

Tralo xantar acercamos a ver a fortificación dun asentamento romano "Aquis Querquennis" e disfrutar do seu entorno, un paseo de caballos, o encoro e dunhas termas que aínda  funcionan. 

Así rematamos unha saída completa, fermosa e variada.

Lobios

A próxima rota será o domingo 22 de abril a Lobios, cerca de Portugal. Sairemos ás 7.00 desde a igrexa parroquial.

Percorrido: 11.3kms circular.

Dificultade: media

A rota discorre polo val que separa as serra de Sta Eufemia e a serra do Xurés, en pleno parque natural de Baixa Limia-Xurés e a rentes co parque natural portugués Peneda-Gerês. O interese que presenta esta zona é medioambiental en flora e fauna pero tamén en patrimonio etnográfico con riqueza de arquitectura rural. Pasaremos por diferentes pobos Padrendo desde onde partiremos, A Chan de Ventoselo, Torneiros para volver outra vez en Padrendo.

Teremos a posibilidade pola tarde de visitar as charcas termais do río Caldo, polo que é importante levar bañador tamén temos cerca o campamento romano Aquis Querquennis o que podemos visitar.

O prezo da saída son 25 euros por persoa.

Pontedeume-Redes-Ares

Esta saída foi fácil, un paseo pola costa: tras almorzar en Pontedeume empezamos a caminar na praia da Madalena, subindo por unhas escaleiras adentrámonos por un paseo agradable dende onde se vía a praia e Pontedeume ao fondo, seguimos lentos porque non había présa pola costa e aldeas do redor onde hoxe abunda chalets e segundas vivendas, sen perder case en ningún momento a vista do mar, chegamos pronto cerca de Redes pasando ao lado da pequena praia de Coido.

 Redes é un pobo mariñeiro precioso que aínda que está remozado conserva todo o seu encanto, ao final do pobo está Punta Modias que conserva restaurada un antiga batería defensiva do 1757, seguindo a nosa viaxe xa no concello de Ares atopamos a  fermosa praia do Raso coa marea baixa e camiñando por ela chegamos a Ares. Algúns remataron nos bares do paseo e outros continuaron ata o final no antiga fábrica de salazón e cun paseo polo centro Ares.

Unha saída agradable, sen grandes esforzos, un tempo estupendo e pintorescos pobos que coñecer.

Pontedeume-Ares

O domingo 25 de marzo ás 8.00 desde a igrexa parroquial de Vilagarcía partiremos hacia o norte para realizar a ruta desde Pontedeume ata Ares pasando polo pobo de Redes.

Percorrido: 11 kms lineais.
Dificultade: fácil.

Unha ruta costera, sen pendentes que forma parte dun trazado  maior que recorre o concello de Ares. Pasaremos por praias e pobos mariñeiros como o de Redes.
Prezo da saída son 25 euros de comida e tranporte.



Ver mapa más grande

Ribeira do Ulla

Esta saída cumpriu fielmente o recorrido sinalado na descrición, ben marcada e sen pérda, agora queda falar das impresións....

Dicir que partimos cun tempo sostible, a noite anterior chovera e todos imos preparado para recibir a chuvia tan deseada nun ano de seca, pero tivemos sorte  apenas caeu unhas gotas e ata saíu o sol por momentos...

Baixando desde Ponte Basebe por un tramo de estrada, todos tiñamos ganas de chegar o río, e así foi pero a paisaxe pola que nos levou a senda era impresionante non só de ribeira como era o esperado, senón tamén por unha carballeira enorme que en descenso baixaba hacia o río Ulla que nestre tramo en Touro aínda que vai tranquilo e máis enérxico.

O camiño entre fragas de árbores desnudas e sinuosas con todas as súas foxas cubrindo o chan facía pensar que paseamos por unha paraxe encantada, de conto, onde un só pode vivir a beleza do momento, respirar o perfume do monte e sentir o rumor da natureza, esquecendo todo o demais....así con estas sensacións fomos subindo rodeados un bosque de sobreiras e contemplando o rio  alá abaixo e volvimos a baixar  ata chegar a fervenza do Inferniño escondida entre tanta vexetación. De aí seguimos por bosques que tiñan cada pouco os restos de antigas ouriceiras onde se recollían os ourizos dos castiñeiros para protexelos dos xabarís, pasamos polos muíños de Quintás abandoados tamén...e chegamos ao Pozo de Pego un lugar onde de ensancha o río e parece un fermoso lago o que beireamos para seguir o camiño, que nos levou ata San Pedro.

Ribeira do Ulla - Touro

Para o domingo 4 de marzoás 8.00 desde a igrexa parroquial está progamada a saída a Ribeira do Ulla en Touro, un sendero tamén coñecido como PR-G93, homologado pola Federación  Galega de Montañismo.

Percorrido:12,8 kms lineales.

Dificultade: media.

Partiremos dede Ponte Basebe no concello de Touro ata Ribeira do Ulla, baixaremos pola marxe dereita do río e pasaremos por sendas de pescadores, camiños de carros, fragas,carballeiras, muíños e ouriceiras abandonadas, fervenzas ocultas... Asi  acercarémonos río Ulla e alonxaremonos del, pero sen perdelo de vista na paisaxe. Pasaremos por unha fermosa paraxe natural coñecida como o Pozo do Pego, os muínos de Quintas e o Fervenza do Inferniño.

As ouriceiras eran construcións circulares de pedra onde guardaban os ourizos dos castiñeiros para portexelos dos porco bravos.

O prezo da rota é de 25 euros por persoa destinados a pagar o xantar e autobus.